Robert Burns

1759-1796 / Ayrshire / Scotland

Up In The Morning Early

Cauld blaws the wind frae east to west,
The drift is driving sairly;
Sae loud shrill's I hear the blast,
I'm sure it's winters fairly.

CHORUS:Up in the morning's no for me,
Up in the mornings early;
When a' the hills are cover'd wi' snaw,
I'm sure it's winter fairly.

The birds sit chittering on the the thorn,
A' day they fare but sparely;
And lang's the night frae e'en to morn,
I'm sure it's winter fairly.

CHORUS: Up in the morning's no for me,
Up in the mornings early;
When a' the hills are cover'd wi' snaw,
I'm sure it's winter fairly.
104 Total read