Seena-koobi se zameeN saari hilaa k uTThe
Kya alam dhoom se tayre shohadaa' k uTThe

Aaj us bazm mein tufaan uThaa k uTThe
YaaN talak roye k us ko bhi rulaa k uTThe

Uff re garmi-e-mohabbat k tere sokhta-jaaN
Jis jaga baiTh gaye, aag lagaa k uTThe

G hi manind-e-nishan-e-kaf-e-pa baiTh gaya
PaaoN kya kooche se us hosh-rubaa k uTThe

She'r Momin k paRhe baiTh k us k aage
Khoob ehvaal-e-dil-e-zaar sunaa k uTThe