Meer Taqi Meer

1723 - 1810 / Agra / India

Be-Khudee Le Ga'Ee Kahaan Ham Ko

be-KHudee le ga'ee kahaaN ham ko
der se intaZaar hai apnaa

rote phirte hain saaree-saaree raat
ab yahee rozgaar hai apnaa

de ke dil ham jo ho ga'e majboor
ismeN kyaa iKHtiyaar hai apnaa

kuchh naheeN ham misaal-e-'unqaa lek
shahar-shahar ishtahaar hai apnaa

jisko tum aasmaan kahate ho
so diloN kaa Gubaar hai apnaa
161 Total read