Hulle het gekom met uniform en vuur,
vreemde aksente
in 'n veld wat nie vir hulle was nie.

Die wind het stories gedra
van boere wat geveg het met geloof,
nie met mag nie.

Skaduwees van vroue
het oor die kampgronde geval,
met arms wat kinders wieg
sonder wieg,sonder slaap.

Bome het getuig
van gesange tussen rook,
van gebede in tale
wat die vyand nie verstaan het nie.

En toe die stilte eindelik neerdaal,
was daar nie oorwinning nie-
net herinnering,
en die grond
wat alles onthou.