Yahan suraj hasenge ansuon ko kaun dekhega
Chamkti dhoop hogi jugnuon ko kaun dekhega

Phalon ki baghbaani mein to barish ki dua hogi
Guzarte khoobsoorat baadlon ko kaun dekhega

Agar ham sahilon par dor kante leke baithenge
To maujon mein chamkti titliyon ko kaun dekhega

Hai sardi waaqayi lekin ghane kohre ki yurish mein
Pahadaon se utarti in bason ko kaun dekhega

Bahut achchha sa koi soot pahno tang dasti mein
Ujalon mein chhupi in badliyon ko kaun dekhega

Abhi apne isharon par hamein chalna nahin aya
Sadak ki lal pili battiyon ko kaun dekhega